ODAM ANATOMIYASI, OPERATIV XIRURGIYA VA TOPOGRAFIK ANATOMIYA KAFEDRASI
Toshkent davlat tibbiyot universiteti odam anatomiyasi, operativ xirurgiya va topografik anatomiya kafedrasi nafaqat fundamental tibbiy bilimlarning o‘choqi, balki bo‘lajak shifokorlarning klinik tafakkurini shakllantiruvchi asosiy maskandir. Kafedra Menejment, tibbiy biologiya, biotibbiyot muhandisligi va oliy ma’lumotli hamshira fakulteti tarkibiga kiradi.
Bugungi kunda kafedrada 57 nafar professor-o‘qituvchilar faoliyat yuritmoqda. Kafedra universitetning bosh o‘quv binosi 5-qavatida, 3-o‘quv binosi 1-qavatida hamda stomatologiya hududidagi morfologik korpusning 2-qavatida joylashgan.
Kafedraning ilmiy salohiyati
Bugungi kunda kafedrada o‘z ishining ustalari bo‘lgan 57 nafar professor-o‘qituvchi faoliyat ko‘rsatmoqda:
– Professorlar: 5 nafar
– Dotsentlar: 7 nafar
– Katta o‘qituvchilar: 9 nafar
– Assistentlar: 36 nafar
Kafedraning umumiy ilmiy salohiyati 42% ni tashkil etadi. Jamoamiz tarkibida 5 nafar fan doktori (DSc) va 15 nafar fan nomzodi (PhD) borligi ilmiy izlanishlarning yuqori darajasidan dalolat beradi. Olimlarimizning boy tajribasi va yosh mutaxassislarning g‘ayrati kafedra rivojining asosiy drayveridir.
